RAEOA, 15/09/2026 - Inspetóra Jerál no Sub-Inspetora Jerál AIFAESA, hamutuk ho delegasaun ne’ebé akompaña husi Diretór DPORAL, Ângelo Edmundo, Assessór Dr. Sergio Lobo, Assessór Dr. Jaime Sarmento, no Téknika sira hala’o enkontru ofisiál ho Sua Excelénsia Prezidente Autoridade RAEOA, Regio S. R. da Cruz Salu.
Sorumutu ne’e realiza ho objetivu prinsipál atu ko’alia kona-ba edifísiu AIFAESA nian iha RAEOA, ne’ebé oras ne'e hetan ona fatin husi Diresaun Terras no Propriedade Rejionál.
Hafoin enkontru ne'e remata, delegasaun AIFAESA hamutuk ho Diretór responsável tun kedas ba baze hodi haree rasik fatin refere.
Aleinde asuntu infraestrutura, lideransa rua mós diskute kona-ba pasu estratéjiku tuirmai. Sua Excelénsia Prezidente Autoridade RAEOA fó garantia katak sei kontinua kolabora no fó apoiu nafatin ba AIFAESA, atu bele reforsa servisu hodi proteje konsumidór sira iha rejiaun ne'e.
Iha biban ne'e, Sua Excelénsia Prezidente Autoridade RAEOA hato'o ninia agradesimentu kle'an ba vizita husi orgaun Inspetora Jerál, Sub-Inspetora-Jerál, no ekipa tomak husi AIFAESA.
Mídia - SD
SIP/AIFAESA.
.png){kind=spacer}
No comments:
Post a Comment