Díli, 08/01/ 2026 — AIFAESA, liuhosi Orgauns kompostu hosi Inspetóra-Jerál, Dra.Odete da Silva Viegas, Dermatologista, no Sub Inspetóra Jerál, DR.Quiteria da Costa, SIP,MPA akompaña mós hosi Diretór DAF no tékniku sira, partisipa iha sorumutu desiminasaun Dekretu-Lei (DL) ba Ezekusaun no Distribuisaun Orsamentu Jerál Estadu (OGE) tinan fiskál 2026, ne’ebé hala’o hosi Ministériu Finansas iha salaun Auditóriu Torre.
Sorumutu ne'e, iha mós aprezentasaun kona-bá regra ezekusaun orsamentu jerál Estadu ba 2026 no prosesu aprovizionamentu iha sistema GRP (Goverment Resource Planning), ho objetivu atu fó koñesimentu kle’an ba kuadrus sira hosi instituisaun Estadu nian kona-bá regra no prosedimentu foun sira ne’ebé sei regula implementasaun orsamentu durante tinan ida ne’e.
Alende ne'e, honra boot prezensa hosi S.E., Primeiru Ministru Kay Rala Xanana Gusmão simbolika entrega OGE 2026 aprovadu ba entidade relevante sira, nomós ofisialmente halo lansamentu ba sistema jestaun finanseira GRP (Government Resource Planning) no E-Procurrement.
Xefe Governu hato'o ksolok Natal no Tinan foun 2026, deseju servisu ho disiplina, honestidade, unidede hodi hatudu rezultadu di'ak ba povu.
Enkuantu sorumutu ne'e partisipa hosi Ministériu, instituisaun Governu direita no Indireta sira, inklui Autoridade Munisípiu sira.
Mídia - JcGon & RL
SIP/AIFAESA.
.png){kind=spacer}
No comments:
Post a Comment