Dili,14/09/2026 - AIFAESA liu husi Departamentu Metrolojia no Padronizasaun ne’ebé lidera husi Diretor João C. Franco Morato ho pontu fokál no tékniku sira, hala'o enkontru ho Instituto Qualidade Timor-Leste IQTL,I.P iha sala enkontru Matadouro.
Objetivo hosi enkontru ida ne'e atu haforsa kooperasaun téknika entre AIFAESA no IQTL kona-ba servisu kalibrasaun dásin, atu garante ekipamentu fó rezultadu medisaun ne’ebé loos no konfiável.
Iha sorumutu ne’e, parte IQTL hato'o ona katak durante janeiru to fulan setembro sira konsege halo ona kalibrasaun ba dasin sira iha Munisípiu (8), depois sei kontinua halo tan ba Munisípiu (4) seluk. Alende ne'e parte IQTL mós husu mai AIFAESA liu husi Departamentu Metrolojia hodi halo inspesaun konjunta ba iha loja konstrusaun, loja nesesidade bázika, loja osan mean no tallo, liga ba kalibrasaun no dasin.
Mídia - Jo & FL
SIP/AIFAESA.
.png){kind=spacer}
No comments:
Post a Comment