Likísa, 21/08/2026 - AIFAESA liu husi ekipa operasional ne’ebé akompaña husi Fiskal Úniku Sr. Salvador da Crúz, Diretora Operasionál Sra. Idonia Sanches Pacheco halo inspesaun no observasaun ba fatin produsaun bebidas husi kompañia Amendje Enterprise sari Unip., Lda ne’ebe lokaliza iha Tibar, Munisipiu Likisá.
Atividade inspesaun ne’e hala’o tanba hetan karta husi Prezidente Autoridade Munisipiu Likisá ,husu atu AIFAESA bele inspesaun direta ba fatin produsaun refere hodi bele rekomenda karik fatin produsaun ne’e seidauk prienxe regra balun molok atividade ne’e loke ba públiku.
Nune’e, iha inspesaun ne’e rasik, ekipa deskobre katak fatin produsaun ne’e sei iha hela prosesu konstrusaun no instalasaun ekipamentu no sei foka ba prodúz aqua galon, aqua tango no aqua gelas inklui mós bebidas asukarada no Yougurt.
Entretantu, ekipamentu ne’ebe instala iha fatin produsaun ne’e kuaze besik kompletu, nune’e tékniku AIFAESA rekomenda ekipamentu balun atu bele kompleta kritériu sira, hafoin kumpri empreza bele halo ona produsaun no fa’an ba públiku. Maibé bainhira fábrika ne’e finaliza parte kompañia sei halo fali karta ba AIFAESA atu verifika fila fali tuir rekomendasaun ne’ebé ekipa fó.
Mídia - FL
SIP/AIFAESA.
.png){kind=spacer}
No comments:
Post a Comment