Díli, 21/08/2026 — AIFAESA, I.P., liuhosi Inspetora-Jerál, Dra. Odete da Silva Viegas, Dermatologista akompaña hosi Sub-Inspetora Jerál, DR. Quitéria da Costa, SIP, MPA, hamutuk ho assesór no funsionáriu sira, partisipa iha selebrasaun aniversáriu Instituto do Bambu, I.P. nian ba dala 17.
Komemorasaun ida-ne’e hala’o iha jardim Ponte B. J. Habibie, Díli, ne’ebé hahú hosi loron 21 to’o 23 Agostu 2026.
Partisipasaun AIFAESA, I.P. no instituisaun públika sira seluk ne’ebé tutela iha Ministériu Koordenadór Assuntu Ekonómiku (MCAE) hatudu kompromisu ho kolaborasaun institusionál hodi apoia dezenvolvimentu sosial ekonómiku iha Timor-Leste.
Durante atividade loron tolu ne’e, sei iha expozisaun hosi tenda kada instituisaun nian hodi fahe informasaun kona-ba servisu públiku sira no mós promove kulinária lokál.
Serimónia ne’e hetan partisipasaun husi Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨", reprezentante MCAE, estudante sira, no mós reprezentante hosi instituisaun relevante sira seluk.
Mídia - Ekipa SIP
SIP/AIFAESA.
.png){kind=spacer}
No comments:
Post a Comment