PROFISIONAL FELLOWSHIP PROGRAM (PFP), HO AIFAESA ATRIBUI SERTIFIKADU BA PARTISIPANTE (40)

Díli,19/05/2026 - Ohin loron, rohan ba atividade Workshop Kona-ba Ai-han Seguru iha Timor-Leste, ne'ebe organiza husi Yseali Profissional Fellowship Program (PFP), no koloborasaun ho AIFAESA,IP, hodi realiza atividade refere, durante loron (2), ne'ebe partisipa husi negosiante sira ne'ebe hala'o atividade iha área Turístika, hamutuk (40).

Iha atividade ne'e, ensera husi Diretor DPORAL, Ângelo Edmundo Belo, reprezenta Inspetora Jeral AIFAESA, hodi hato agradese ba Formador/a sira ne'ebe partilla ona materia importante balun, liga ba ai-han seguru ba partisipante sira, ne'e hodi guia sira hala'o atividade lor-loron.

Okaziaun ne'e, Diretor hato agradese mós ba partisipante sira hotu ne'ebe hola parte iha atividade ne'e, maske loron (2), hanesan tempu ne'ebe badak tebes, maibe ne'e hanesan oportunu ida ba imi hodi aproveita, no hanesan mós bukae ida ba imi, hodi hala'o atividade kada loron hodi fornese ai-han seguru ba konsumidores.

Entretantu, Rohan husi atividade ne'e, YSEALI Profisional Fellowship Program (PFP) hamutuk ho AIFAESA atribui Sertifikadu ba Formador/a no Partisipante hamutuk na’in (40).

Mídia - JcGon/Jo

SIP/AIFAESA.