RAEOA, 20/05/2026– Autoridade Inspesaun no Fiskalizasaun ba Atividade Ekonómika, Sanitária, no Alimentár, I.P. (AIFAESA, I.P.), liu-husi Ekipa tekniku Destakadu RAEOA, partisipa iha serimónia solene hasa'e Bandeira Nasionál hodi komemora loron boot restaurasaun Independénsia Repúblika Demokrátika Timor-Leste ba dala-24.
Serimónia istórika ne'e hala'o iha Kampu 01 de Maio Palaban, Rejiaun Administrativa Espesiál Oé-Cusse Ambeno (RAEOA). Sua Exelénsia Prezidente da Autoridade RAEOA mak sai hanesan Inspetór Serimónia, no partisipa másimu mós Sekretario Regional no Diretores Regional sira, Autoridade Timur Tengah Utara (TTU), konvidadu-de-onra sira seluk no komunidade Atoni.
Prezensa AIFAESA, I.P. nian iha eventu importante ne'e demonstra espíritu nasionalizmu no kompromísu instituisaun nian hodi valoriza istória luta eroi no eroina sira-nian ba Timor-Leste nia auto-determinasaun. Atividade solene ne'e nu’udar parte ida husi programa komemorasaun ofisiál ne'ebé organiza husi Autoridade RAEOA hodi selebra istória no reforsa unidade nasionál iha loron espesiál ne'e.
Mídia - RAEOA
SIP/AIFAESA
.png){kind=spacer}
No comments:
Post a Comment