INSPETÓRA JERÁL AIFAESA HETAN ENTREVISTA HOSI MÍDIA TATOLI

Díli, 12/06/2026 - Inspetóra Jerál AIFAESA, Dra. Odete da Silva Viegas, Dermatologista, Iha loron Kuarta Feira 10/06/2026, hetan entrevista hosi mídia TATOLI, Iha Inspetóra nia knaar fatin edifisiu Sentral  AIFAESA, Matadouru. 

Inspetóra Jerál AIFAESA responde ba jornalista TATOLI kona-bá ayam potong ne'ebé públika Iha mídia sosial, keixa ne'e tama duni Iha AIFAESA, no ekipa sira halo atuasaun kedas ba estabelesimentu Family First Supermarket, ai-han sira ne'e la favoravel ona ita atu konsumu maibé depois de buka hatene situasaun ne'ebé iha terenu ita labele fó salah deit operadór ekonómiku sira tanba hau nia hanoin responsabalidade governu liu-liu Ministeriu Obras Públika ne'ebé maka fornesimentu eletrisidade iha Kapitál nomós Munisípiu sira. Fó mós desvantazen bo'ot ida ba familia no liu-liu Operadór ekonómiku sira ne'ebé halo negósio tanba ai-han sira bele iha kondisaun diak, maibé ahi lakan mate hela entaun prejudika mós ba ita nia negósiante sira atu proteje sira nia ai-han. Ida mós sai hanesan referensia ida mós ba ami katak sala ne'e la'os operadór ekonómiku sira maibé kontribuisaun hosi parte relevantes ne'ebé maka tenki asegura kondisoens. Se hamate ahi orás rua ou ha'at ida ne'e implikasaun ba ona ai-han sira ne'ebé maka operadór ekonómiku sira fa'an, tenki hatene ita nia ai-han ne'e barak liu 60 pursentu ne'e importa husi rai liur mak mai. Tanba ita nia kondisaun rai laran seidauk bele 100pursentu ita konsumu ho produtu lokál, entaun ida ne'e parte ida ne'ebé maka hanoin ba oin presiza iha kolaborasaun diak liutan entre instituisaun relevante ou setórias sira atu bele haree no tetu katak ita hakarak halo buatruma tenki haree konsekuensia ne'e saida liu-liu ba ai-han ita konsumu se kuandu ita hamate ahi orás ba orás entaun ita rasik hanesan responsável kontribui hela risku ba saúde públika. Situasaun ida ne'e la'os mosu deit iha estabelesimentu Family First, maibé iha mós loja sira seluk ne'ebé maka enfreta situasaun  hanesan. Nune'e ayam potong ne'e metan kauza husi eletrisidade, kuandu tama iha kriterius ne'ebé AIFAESA tau ne'e, tama ona iha situasaun ida produtu estragadu entaun sira tenki hetan koimas. 

Supriora ne'e nafatin husu ba operadór ekonómiku sira bele buka atu hatene liutan situasaun kondisoens negósiu nian atu nune'e minimiza sira labele selu koima bo'ot tanba vantajen ho desvatanjen sempre iha.  AIFAESA buka dezimina nafatin informasaun, atu eduka nafatin ita nia operadór ekonómiku sira oinsa halo negósiu ho diak, liu-liu negósiu ne'ebé maka labele fó impaktu ba iha risku saúde públika. 

Mídia - GXG

SIP/AIFAESA.