Likisa, 20/04/2026 - Ekipa Integradu Operasionál AIFAESA, segunda ohin prejensa iha Munisípiu Likisa, hodi realiza Inspesaun no Fiskalizasaun ba Operadór ekonómiku Sira.
Hafoin, hala'o atividade kontrolu ekipa integradu AIFAESA, lideradu husi Diretor DMP, João Franco Morato, hasoru malu uluk ho Autoridade Munisipiu hodi informa ba Autoridade, atividade operasionál ne'ebe sei hala'o iha Postu Administrativu haat (4), kompostu husi Likisa Vila, Bazartete, Maubara inklui Loes.
Aliende, ekipa operasionál AIFAESA hasoru mós Komando PNTL Likisa, hodi informa no husu apoiu seguransa ba atividade refere.
Nune'e, ekipa desloka kedas ba Postu Administrativu Maubara hodi Inspesiona estabelesimentu Komersial hamutuk tolu nulu resin tolu (33), enkuantu iha atividade ne'e ekipa operasional la deteta infrasaun ruma.
Okaziaun ne'e, Ekipa Integradu kontinua distribui brosura ba operadór ekonómiku sira, ho maneira divulgasaun hodi mellora di'ak liu tan koñesimentu operadór ekonómiku sira ni'an.
Média- JcGon
SIP/AIFAESA.
.png){kind=spacer}
No comments:
Post a Comment