Díli, 27/03/2026 - AIFAESA liu husi Sub-Inspetóra Jerál DR.Quitéria da Costa SIP.,MAP., akompaña hosi Diretór Departamentu Administrasaun no Finansas Sr. António Pereira no Assesór Dr. Jaime Sarmento, entrega sertifikadu apresiasaun ba estajiaria na'in ida (1), hosi Díli Institutu Of Technology (DIT), iha edifísiu Sentral AIFAESA., Matadouro.
Sub-Inspetóra Jerál AIFAESA, hateten ba estudante ne'e durante fulan rua (2), hala'o estajiu iha AIFAESA, sai hanesan boka'e ida, esperiénsia fulan 2 ne'e la to'o, nune’e presiza buka tan esperiénsia no informasaun la'os deit iha AIFAESA, maibé bele mós iha fatin seluk atu bele kompleta liutan saida mak ita bo'ot hatene.
Aliende ne'e Diretór DAF mós agradese ba alin estajiu ne'ebé mak apoiu ona Seksaun Logistíka durante fulan 2 nia laran, hanesan oportunidade atu aprende barak liutan, la'os to'o iha ne'e de'it bele mós ba fatin seluk hodi aumenta tan koñesimentu iha área oin-oin.
Estajiara Judestelina Enolau Menezes, husu agradese ba AIFAESA, tanba fó oportunidade ba nia hodi hala'o estajiu iha Seksaun Logístika durante fulan 2, ida sai hanesan esperiénsia no koñesimentu bele aumenta nia kapasidade prepara nia a'an ba iha futuru.
Serimónia ne'e partisipa hosi funsionáriu Gabineti Sub-Inspetóra Jerál, Seksaun Rekursu humanu, no Seksaun Logistíka. **GXG**
Mídia - GXG & Jo
SIP/AIFAESA.
.png){kind=spacer}
No comments:
Post a Comment