FOIN TAMA TRIMESTRE DAHULUK AIFAESA INSPESIONA ESTABELESIMENTU HAMUTUK (1.503) IHA KAPITÁL DÍLI

 Díli, 11/02/2025- Kuarta-feira semana ne’e, Inspetóra Jerál AIFAESA I.P, Dra. Odete da Silva Viegas, Dermatologista, hetan entrevista husi Mídia Nasionál Independent no Tatoli, iha eskritóriu Inspetóra Jerál Matadouro, Dili.

Inspetóra Jerál hatan ba jornalista sira katak, depois de iha tinan 2025, AIFAESA komesa ativa halo atividade inspesaun, tama iha tinan 2026 hahú halo inspesaun iha Kapitál Díli laran, iha Munisípiu seidauk halo inspesaun tanba orsamentu sistema seidauk hahú funsiona, entaun ekipa antes fahe ba sanulu (10) halo atividade iha Díli laran, maibé agora ekipa fahe ba rua-nulu resin lima (ekipa 25) ekipa kobre husi Zona ha'at (4) hanesan Dom-Aleixo, Cristo-Rei, Na’in Feto no Vera Cruz. Iha atividade inspesaun husi fulan Janeiru to’o agora seidauk termina no ekipa konsege tama iha estabelesimentu ba operadór ekonómiku sira hamutuk rihun ida atus lima tolu (1.503) kobre atividade hanesan Turistíka, Komérsiu no Indústria, nomós koimas konsege rekolla to’o ona Dollar Amerikanu Rihun ha'at-nulu resin tolu, atus sia, lima nulu ($43.950) husi koimas ne’e Operadór Ekonómiku balun selu koima no balun selu voluntariu, tanba lakohi prosesu ne’e naruk entaun balun konkorda ho koimas ne’ebé mak iha, hafoin foti resibu sei ba selu iha Banku tuir prosesu.

Inspetóra salienta, normalmente inspesaun regular AIFAESA planea la'o, maibé iha mós Keixa husi konsumidór sira. Tanba Keixa mai husi komunidade sira entaun AIFAESA forma ekipa ida hanaran intrevensaun rapida bainhira keixa tama ekipa tun hodi atende direitamente ba keixa sira agradese mós ba iha komunidade sira katak sira hanoin saúde ne’e importante entaun iha situasaun hanesan ne'e la'os AIFAESA mak buka hatene de'it, liuhusi komunidade sira tanba kopera no kolabora bele hato’o Keixas mai AIFAESA hodi tun direitamente.

Lidera masima hatutan, liga kona-ba laboratóriu ai-han nian importante tebes tanba durante AIFAESA seidauk iha laboratóriu ai-han rasik kuaze produtu sira ne’e kontaminadu ita la hateten katak laiha kualidade sempre foti amosta hodi haruka ba Indonézia tanba iha koperasaun di’ak ho BPOM Indonézia, enkuantu tuir planu iha tinan ida ne’e AIFAESA sei halo rehabilitasaun ba edifisiu Tibar no laboratóriu ai-han tenki estabelese iha tempu badak nia laran ho orsamentu alokadu (1.3Milhões).

Mídia - Dopy

SIP/AIFAESA.