Díli, 11/02/2026 - Kuarta-feira ne’e, Autoridade Inspesaun no Fiskalizasaun ba Atividade Ekonómika, Sanitária no Alimentár (AIFAESA) hala’o fiskalizasaun ba estabelesimentu hamutuk 63 ne’ebé lokaliza iha zona Dom Aleixo, Vera Cruz, no Nain Feto. Operasaun ne’ebé involve ekipa 13, ne’ebé kobre komérsiu 44, turístika 8, no indústria 11, ho objetivu atu asegura katak operadór ekonómiku sira kumpri regra ne’ebé vigora iha Timor-Leste.
Husi rezultadu inspesaun ne’e, AIFAESA foti medida hodi taka temporáriu padaria ida tanba la kumpri kriteiru sira, no identifika mós kazu infrasaun hamutuk 7 ne’ebé sei prosesa tuir lei. Aleinde ne’e, operadór ekonómiku na’in 6 simu konvokatória hodi fó esklaresementu iha sede AIFAESA, enkuantu ekipa mós hala’o re-inspesaun ba estabelesimentu 2 (Indústria Tahu no Loja) nune'e mós indústria TAHU ida ne’ebé uluk taka temporáriu, agora re-ativa fali ona ninia operasaun depois de kumpri fali rekerimentu sira.
Mídia - Ekipa SIP
SIP/ AIFAESA.
.png){kind=spacer}
No comments:
Post a Comment