FUNSIONÁRIU AIFAESA HETAN KAPASITASAUN KONA-BÁ ASISTÉNSIA INSPESAUN INTEGRADU

 Díli, 12/01/ 2026 – AIFAESA liuhosi Inspetóra Jerál AIFAESA, Dra. Odete da Silva Viegas Dermatologista, abertura formasaun ba funsionáriu AIFAESA, iha segunda feira ne'e, ne'ebé realiza iha salaun enkontru, Matadouro.

Formasaun ne’e foka liu ba dezenvolvimentu kapasidade rekursu umanu nian, liu-liu ba asistente sira mai hosi Departamentu Administrasaun no Finansas (DAF), Gabinete Inspetóra Jerál (GIG), no Gabinete Sub Inspetóra Jerál (GSIG), total funsionáriu hamutuk na’in rua nulu resin ida (21).

Objetivu hosi formasaun ne’e maka atu asegura asistente sira iha kbi'it no kuñesimentu ne’ebé sufisiente hodi apoiu servisu inspesaun nian ho kualidade, tuir padraun no regra ne’ebé vigor.

Lider másima AIFAESA akresenta funsionáriu asistente la'os de'it hala'o servisu iha administrasaun maibé simu mós responsabilidade bo'ot ida atu apoiu ba servisu Inspesaun iha terrenu, nune'e presiza koñesimentu ne’ebé kle’an kona-bá Lei no normas tékniku sira.

Iha sesaun dahuluk, Diretór DPORAL Ângelo Edmundo Belo, nu’udar oradór prinsipál aprezenta materiál kobre pontu importante sira mak hanesan enkuadramentu Legál sira, nomós natureza Servisu AIFAESA nian, aliende ne'e Diretór DMP, João Morato aprezenta mós kona-bá planu inspesaun iha terenu tinan 2026, enkuantu Assesora Dra. Josefina Clarinha João aprezenta kona-bá matadalan servisu inspesaun integradu.

Mídia - RL, GXG & Jo

SIP/AIFAESA.