Díli, 12/01/2026 - Relasiona ho produtu bee aqua ho marka fresca ne’ebé antes ne’e AIFAESA halo hela selajen tanba komersializa ho kondisaun aqua nia matan kuak iha fulan Outubru tinan 2025 liuba. Nune’e hafoin Janeiru tinan 2026 ekipa AIFAESA halo hikas inspesaun ba fatin refere no deteta katak produtu refere parte empreza halo deselajen ka sobu tiha ona fita selajen no produtu aqua mós laiha ona.
Haree ba aktu hirak ne’e, bazeia ba lei, AIFAESA foti medida hodi taka provizoriu no notifika na’in ba empreza atu bele halo justifikasaun ba asaun refere.
Final hosi atuasaun ne’e liu husi entrevista Inspetora Jeral Dra. Odete da Silva Viegas, Dermatologista ba jornalista sira hateten “Aktu ne’ebe sira halo hanesan sobu fita selajen ne’e kategoria krime, maibé empreza rekoñese sira nia faillansu no sira tenki kumpri ba prosesu rua mak prosesu administrativu no prosesu krime kontinua ba Ministériu Públiku”.
Lideransa másima ne’e konsidera kestaun sira ne’e akontese tanba laiha jestaun komunikasaun interna ne’ebé di’ak entre jerente ho na’in ba kompañia, tanba dala barak empreza na’in sira iha de’it rai liur no la kontrola ba jerenti no staff sira nia servisu.
Entretantu, AIFAESA notifika empreza “Fresca” ba loron tolu-nulu (30) hodi bele halo klarifikasaun ba aktu ne’ebé empreza komete, hafoin bele reativa fali atividade produsaun no distribuisaun produtu.
Mídia - FL & Dopy
SIP/AIFAESA.
.png){kind=spacer}
No comments:
Post a Comment