SEMANA IDA DE'IT AIFAESA KONSEGE KOBRE ESTABELESIMENTU HAMUTUK 500 RESIN

 

Díli, 27/01/2026 - Inspetóra Jerál AIFAESA, Dra. Odete da Silva Viegas, Dermatologista hetan entrevista hosi mídia Journal Timor Post, iha kna'ar fatin, Matadouro.

Responde ba Journalista ne'e, Inspetóra Jerál hato'o katak tama ba tinan 2026 ne'e AIFAESA hahú nafatin hala'o atividade Inspesaun konsentra iha Dili laran, Munisípiu seidauk bele halo kontrolu tanba orsamentu seidauk aprovadu no implementa. Portantu AIFAESA liu hosi Departamentu Operasionál, fahe ekipa antes ne’e iha sanulu (10) de'it mais agora fahe ba ekipa rua nulu resin-lima (25), hodi kontrola ba Postu Administrativu ha'at (4), hanesan Dom Aleixo, Cristu-Rei, Nain Feto no Vera Cruz. Hosi Postu refere ekipa AIFAESA kobre mak kobre atividade iha área tolu (3), hanesan Turistíka, Komérsiu no Indústria. Iha semana ne'e nia laran ekipa AIFAESA konsege hala'o inspesaun 500 resin estabelesimentu no akumula hosi kedas husi inisiu Janeiru to'o agora AIFAESA tama estabelesimentu hamutuk 673, taka temporaria estabelesimentu 3, no koima $25.500, hosi 16 Operadór Ekonómiku maka konsege selu koima, balun mós selu voluntariamente.

Iha tinan kotuk Ekipa AIFAESA konsege halo inspesaun ba fatin produsaun Aqua Galon sira no Aqua ne'ebé mai ho 300ml no 600ml, nomós Aqua importasaun. Agora Ekipa Operasionál sira halo reinspesaun fali. Momentu ne'ebá ekipa AIFAESA fó hanoin ona ba empreza sira kuandu sira halo produsaun tenki hatudu sertifikadu laboratóriu IS0 17025, atu nune'e bele garante katak produsaun bee ne'ebé sira produz la fó impaktu ka risku ba vida umana, atu nune'e Populasaun konsumu ka hemu bee sira nemós garantidu no kualidade duni, ida ne'e mak sempre AIFAESA fó hanoin ba Operadór Ekonómiku sira. Wainhira sira produs tenki halo teste, antes bee ne'e sirkula ba merkadu, haktuir Supriora ne'e.

Parte seluk Inspetóra Jerál AIFAESA, nafatin apela ba konsumidóres sira, wainhira sosa produtu ai-han iha loja ka merkadu atu konsumu tenki haree data validade no kondisoens, maka konsumu. Se wainhira hetan produ ai-han sira ne'ebé a'at, sin, expiradu ona bele informa mai iha AIFAESA. AIFAESA mós iha link ne'ebé ba keixa nian iha númeru kontaktu ita bo'ot sira bele hato'o, AIFAESA prontu 24 orás kuandu keixa ruma tama ekipa integradu tun kedas.

Mídia - GXG 

SIP/AIFAESA.