INSPETÓRA JERÁL AIFAESA HALO ENSERAMENTU FORMASAUN BA TÉKNIKU (37), HALA'O DURANTE LORON (5).

 

Manatuto,04/09/2026 - Ohin sexta-feira loron ikus ba semana ne'e, Líderansa másima AIFAESA, Dra.Odete da Silva Viegas, Dermatologista, akompaña husi Direjenti Departamentu, Assesóres, Engenheiru, hodi halo enseramentu formasaun ba Tékniku AIFAESA (37), hala'o formasaun durante loron (5), ho Tema "Auditoria Interna"  realiza iha Munísipiu Manatuto, ne'ebe fasilita husi Ministériu Finansas, Unidade Kapasitasaun Finansas Públikas.

Antes, halo enseramentu ba atividade ne'e, Formador halo Post Test ba formandu sira, objetivu husi post test ne'e, atu avalia nivel koñesimentu no komprensaun partisipante sira kona-ba matéria ne'ebe aprende durante loron (5).

Okaziaun, ne'e Inspetora Jeral Dra.Odete da Silva Viegas, Dermatologista, hato'o agradese ba Ministério Finansas liu husi Unidade Kapasitasaun Finansas Públikas, ho disponibilidade tomak bele fahe ona matenek ba Tékniku sira.

Direjenti másima hato'o mós agredese ba Prezidenti Autoridade Munísipiu Manatuto bele fo fatin hodi hala'o treinamentu iha Munisipiu refere.

Orgaun AIFAESA enkoraja ba partisipante sira, matenek ne'ebe imi hetan tenke habelar iha servisu fatin, no implementa ho rezultadu di'ak iha imi nia servisu lor-loron ne'ebe imi hala'o,labele atu julga ema Auditoria Interna, buka atu hadia ita nia instituisaun, se ita konsege muda ita nia atetidu mak lori susessu ba ita.

Aliende ne'e reprezentante Diretor Jerál, Ministériu Finansas, Unidade Kapasitasaun Finansas Públikas, hato'o apresiasaun ba formandu sira ho pasensia tomak, bele partisipa iha formasaun.

"Sentru Kapasitasaun ho prontidaun tomak nafatin apoiu AIFAESA, bainhira Tékniku AIFAESA husu asistensia Téknika ami prontu" tenik reprezentante Diretor Jerál.

Tempu hanesan, reprezentante Prezidenti Autoridade Munísipiu Manatuto, hato'o agradese ba Inspetora Jeral, tanba bele fo biban ba Tékniku na'in (3),husi Munísipiu Manatuto bele partisipa iha formasaun ne'e.

Iha momentu oportunu ne'e formador, bolu atensaun ba Formandu sira, uja ita nia kompetensia ho responsabilidade,uja ho di'ak no profissional,atu asegura boa governasaun, hodi garante instituisaun lao ho di'ak, no mantein konformidade.

Formador realsa liu tan katak, Ita nia parseiru mak diresaun sira, atu ajuda sira, apoiu sira,hodi mellora di'ak sira nia servisu, liu husi ita nia monitorizasaun, asistensia, konsultaria, hamutuk hodi apoiu ita nia instituisaun. Objetivu hodi garante kualidade servisu ba atendimentu públiku iha ita nia instituisaun.

Entretantu, reprezentante Formandu hato'o agradese ba Inspetora Jeral, bele fo oportunidade ba Tékniku sira kontinua hetan kapasitasaun,hodi hasa'e abilidade iha área Auditoria Interna, hodi hatan nesessidade instituisaun, no garante boa governasaun.

Rohan husi atividade ne'e, entrega mós Sertifikadu ba reprezentante Formandu sira.

Mídia- JcGon 

SIP/AIFAESA.