Manatuto, 09/09/2026 - Kuarta-Feira semana ne’e, ekipa AIFAESA halo inspesaun ba Atividade Ekonómika sira iha Postu Administrativu Laclubar, Laclo no Laleia, kobre estabelesimentu hamutuk (71).
Antes hala'o inspesaun ekipa nafatin koordena ho Autoridade Postu Administrativu sira no Komandante Eskuadra kada postu.
Iha atividade ne'e Ekipa deteta estabelesimentu (7) mak hetan infrasaun, ne'ebé mak kontinua fa’an produtu liu prazu no tabaco ilísitu, tan ne'e Ekipa rekolla produtu hodi halo prosesu tuir Lei ne'ebé iha no estabelesimentu (1) hetan notifikasaun Konvokatóriu.
Estabelesimentu ne'ebé Inspetór AIFAESA sira inspesiona mak hanesan: Restaurente, Ofisina, Loja Bens Konsumu, no Kioske sira.
Aleinde ne'e ekipa apela nafatin ba Operadór Ekonómiku sira kontrola nafatin kondisoens ijiene, mantein informasaun ba produtu ne'ebé falun fila fali no Produtu Sira iha Loja laran atu nune'e labele fó risku ba públiku nia saúde.
Durante atividade Inspesaun no Fiskalizasaun iha Postu Laclubar, Ekipa AIFAESA nafatin hetan monitorizasaun hosi Sub-Inspetóra Jerál DR. Quitéria da Costa SIP, MPA, no Diretór Departamentu Metrolojia no Padronizasaun, João Franco Morato no Segundo Komandante PNTL Eskuadra Laclubar.
Mídia - Dy
SIP/AIFAESA.
.png){kind=spacer}
No comments:
Post a Comment