Baucau, 08/09/2026 - AIFAESA liu husi Inspetóra Jerál Dra. Odete da Silva Viegas, Dermatologista, Sub Inspetóra Jerál DR. Quitéria da Costa, SIP,MPA., Fiskal Úniku, Salvador da Crúz, ofisialmente entrega funsionáriu destakadu hamutuk na’in (9) ba Autoridade Munisípiu Baucau, tersa ne’e iha salaun apuramentu Munisípiu Baucau.
Iha biban ne’e reprezentante prezidente Autoridade Munisipiu Baucau Diretór Munisípal Administrasaun Rekursu Umanu Florindo Caetano, hato’o agradese no sei koopera ho ekipa AIFAESA, bele haforsa liu tan forsa traballu. Nia akresenta ; prezensa AIFAESA importante tanba negosiante no komunidade sira mós barak mak seidauk intende di’ak ba produtu sira ne’ebé prazu liu-liu iha suku no aldeia.
Iha fatin hanesan, Inspetóra Jerál AIFAESA Dra. Odete da Silva Viegas, Dermatologista, enkoraja no husu funsionáriu destakadu atu servisu ho di’ak no responsabilidade, komunika di’ak ho negósiante sira, atu bele lori sira la’o tuir lei.
Entretantu, ekipa destakamentu iha rejiaun Leste ne’e lidera husi koordenadór Inspetór David Belarmino no sei halo inspesaun ba atividade ekonómika sira iha Munisípiu Viqueque, Lautém inklui Baucau rasik. Enkuantu partisipa iha termu entrega ne’e husi Diretór Jestaun Merkadu, Diretór Seguransa Ai-han, órgaun AIFAESA no ekipa.
Hafoin ne’e, órgaun AIFAESA halo vizita ba edifísiu ekipa destakadu nian ne’ebé lokaliza iha Vila Antiga (kota lama) Baucau.
Mídia - FL & GXG
SIP/AIFAESA.
.png){kind=spacer}
No comments:
Post a Comment