Manatuto, 10/09/2026 – Kinta-Feira ne’e semana ne'e, ekipa AIFAESA kontinua halo inspesaun ba estabelesimentu sira ne'ebé hala'o atividade ekonómika iha Postu Administrativu Manatuto Vila, ne’ebé kobre estabelesimentu hamutuk (35).
Atividade kontrolu ne'e ekipa tékniku identifika estabelesimetu (6) komete infrasaun, tanba kontinua komersializa produtu expiradu, estragadu, fanifikadu no tabaku ilísitu. Iha okaziaun ne'e ekipa halo kedas apreensaun ba produtu hodi prosesa tuir lei no estabelesimentu (2) mak hetan notifikasaun konvokatóriu.
Estabelesimentu sira ne’ebé inspetór AIFAESA inspesiona mak hanesan Restaurante, Loja bens de konsumu, Kioske, Loja Vestuáriu, Telekomunikasaun no Loja materiál konstrusaun sira.
Durante atividade inspesaun ne’e nafatin hetan monitorizasaun husi Sub-Inspetóra Jerál AIFAESA, DR. Quitéria da Costa, SIP.MAP., hamutuk ho Diretór Departamentu Metrolojia no Padronizasaun, João Franco Morato no ekipa.
Mídia - Dy
SIP/AIFAESA.
.png){kind=spacer}
No comments:
Post a Comment