Manatuto, 31/08/2026- Segunda-feira ne'e AIFAESA kontinua kapasitasaun Tékniku husi Departamentu Finansas, Pontu Vokal DO, DMP, DPORAL no DAJK, inklui Tékniku Gabinete IG, SIG no FU, hodi mellora di'ak liu tan konesimentu Tékniku sira ni'an iha área Auditoria Interna, ne'ebe hala'o iha Salaun "Uma Kondar" Manatuto.
Atividade ne'e abertura husi Inspetora Jeral Dra.Odete da Silva Viegas, Dermatologista, husu ba formadu sira atu aproveita oportunidade ba kapasitasaun sira hanesan ne'e, hodi melloramentu konesimentu Tékniku sira ni'an iha área refere.
Aliende, iha oportunidade ne'e lider masima AIFAESA hato'o agradese ba Autoridade Munisipiu Manatuto, no Reprezentante husi Ministériu Finansas, ba apoiu tomak hodi bele realiza atividade Formasaun ne'e.
Tempu hanesan Reprezentante Autoridade Munisipiu Manatuto, hato'o Bem-vindo ba ekipa AIFAESA tanba bele eskolla ona Manatuto sai hanesan fatin treinamentu.
Autoridade Munisipiu husu ba formadu sira, Partisipa Formasaun ho vokasaun no pasensia hodi aproveita, no implementa fali iha servisu fatin.
Okaziaun ne'e mós reprezentante Ministériu Finansas, nafatin husu ba partisipante sira aproveita iha kapasitasaun ne'e hare ba kualidade labele hare kuantidade.
"Auditoria Interna hola parte iha finansas publiku, kada Ministériu no Ajensia Autónomu sira,halo mós kontrolu ba ita nia instituisaun laran, molok Auditoria externa halo kontrolu ba ita nia instituisaun" tenik husi reprezentante Ministériu Finansas.
Enkuantu, Formasaun ba loron Dahuluk Formador Vicente Lázaro aprezenta matéria Kona-ba Introdusaun no Jestaun Auditoria Interna, hetan partisipa masimu husi Direjenti Departamentu,Assesora, Pontu Vokal GIG,Tékniku AIFAESA no Tékniku Administrasaun Autoridade Munisipiu Manatuto.
Mídia - JcGon
SIP/AIFAESA.
.png){kind=spacer}
No comments:
Post a Comment