Likísa, 10/08/2026, Funsionáriu AIFAESA 60 hosi Departamentu Operasaun no Departamentu Metrolojia no Padronizasaun, hala'o refreshing training "Atualiza Funsaun Esensiál Serbisu Inspesaun hodi Hametin Integridade ho Efisiénsia" ne'ebe hala'o iha Salaun INPA - TL, Munisípiu Likísa.
Inspetóra Jerál AIFAESA Dra. Odete da Silva Viegas,Dermatologista, agradese ba Prezidente Autoridade Munisípiu Likísa no Diretór Jerál Peskas disponibiliza ona sira nia tempu hodi bele partisipa iha konvite ne'ebé AIFAESA fó, Autoridade sira bele hola parte mós iha refreshing training husi Funsionáriu sira Departamentu husi DO no DMP. Servisu ne'ebé Funsionáriu halo maibé presiza atu atualiza nafatin Dekretu-Lei, nomós padroens ne'ebé maka kada diresaun utiliza relasiona ho servisu inspesaun. Ohin PAM mós ko'alia kona-ba padroens tua sabu, bebidas alkolikás sira no ai-han sira hotu kriterius ne'ebé maka AIFAESA iha, presiza maka atu haklean liutan husi divulgasaun atu nune'e operadór ekonómiku sira hala'o tuir sira nia kna'ar iha negósiu, haktuir Supriora AIFAESA.
Aliende ne'e PAM Likísa Abilio Ribeiro, halo abertura ba formasaun ne'e hateten agradese ba Inspetóra Jerál AIFAESA, tanba bele halo treinamentu iha Munisípiu Likísa, atu nune'e ba oin Autoridade Munisipál bele servisu hamutuk ho AIFAESA liuhusi diresaun servisu Munisipál Seguransa Alimentár, Jestaun Merkadu Turizmu, Agrikultura, atu nune'e bele servisu Integradu, hodi garante produtu sira fa'an iha loja sira. Nia hatutan formasaun ida ne’e halo Prezidente Autoridade koñese di'ak liutan AIFAESA, para ba oin bele servisu hamutuk hodi haree kestaun produtu lokál sira iha Munisípiu Likísa, liuliu tua sabu no tua mutin.
Partisipa iha atividade ne'e Autoridade Munisipál Munisípiu Likísa, Inspetóra Jerál AIFAESA, Diretór DMP, Diretóra DO, Assessores AIFAESA, Formandos AIFAESA, inklui Mídia.
Ikus husi ajenda ne’e formandu sira kontinua formasaun, ho matéria kona-ba dekretu lei nu. 83/2022, lisensamentu, manual prosedimentu nomos kódigu konduta. Formadóres Dr. Marcelo da Rosa no Dra. Josefina Clarinha João.*GXG*
Mídia - GXG & Dopy
SIP/AIFAESA.
.png){kind=spacer}
No comments:
Post a Comment