AIFAESA PARTISIPA IHA SIMEIRA : “SIÉNSIA DEZENVOLVIMENTU TEKNOLOJIA NO INOVASAUN” IHA CCD

 

Díli, 25/08/2026 - AIFAESA hahú husi órgaun to’o funsionáriu sira partisipa iha Simeira Siénsia Dezenvolvimentu Teknolojia no Inovasaun ne’ebé inisia husi Prezidente da Repúblika Dr. José Ramos Horta no Vise Primeiru Ministru, Ministru Koordenador ba Asuntu Ekonómiku, Ministru Turizmu no Ambiente Sr. Francisco Kalbuadi Lay mak sai nu’udar Koordenador ba programa ne’e. Atividade ne’e realiza durante loron rua, hahú husi 24 Agostu to’o 25 Agostu tinan 2026, iha Centro Convenções Dili (CCD).

Objetivu prinsipal husi simeira ne’e mak, promove kooperasaun no fahe kuñesimentu iha área siénsia, teknolojia no inovasaun ba sustentabilidade no oportunidade dezenvolvimentu iha Timor Leste.

Iha simeira loron daruak nian diskute liu kona-ba “Security Trust and the Digital World” ne’ebé partilla husi peritu sira husi nasaun seluk, ne’ebé konsidera sai matéria importante tebes liga ho evaluasaun teknolojia no Artifisial Inteligence (AI) nian, oinsá bele tulun estudante sira iha parte edukasaun no funsionáriu iha servisu lor-loron.

Tanba ne’e, iha diskursu VPM, MCAE NO MTA Sr. Francisco Kalbuadi Lay enkoraja partisipante hotu liu-liu estudante sira, atu bele aproveita ho di’ak tanba atu realiza simeira ne’e la fásil no dadaun ne’e peritu sira bele prezensa iha ne’e hanesan oportunidade di’ak ida.

Enkuantu, to’o oras ne’e Timor Leste sei enfrenta problema ba utilizasaun sistema sira. Nune’e haktuir panelista sira iha simeira ne’e katak “seguransa teknolojia labele depende de’it ba Ferramenta Informáticas, nesesita mós regras ne’ebe claro atu sidadaun sira bele utiliza bazeia ba regra ne’e rasik. Nune’e mos laiha sistema ida mak 100% seguru.

Entretantu, simeira ne’e ensera husi Prezidente da Repúblika no partisipa másimu husi, sientista, peskizadór, akadémiku, instituisaun estadu, membru governu no estudante sira.

Média -  FL & Dopy

SIP/AIFAESA.