Viqueque, 19/08/2025 - AIFAESA kontinua hasa'e koñesimentu operadór ekonómiku sira ni'an iha âmbitu divulgasaun informasaun ho tema "PROTEJE KOMSUMIDÓR NO PROMOVE KONKORÉNSIA LEAL ENTRE OPERADÓR EKONÓMIKU HOSI ASAUN BA IMPAKTU REAL" iha Munisípiu Viqueque, Postu Administrativu Uatukarbau, Kuarta- Feira semana ne’e.
Iha sesaun diskursu, Diretór DAJK, Mariano Fernandes, Reprezenta Inspetóra Jerál AIFAESA, hateten, “ ita hanesan negósiante ita mós sai hanesan konsumidóres, hala'o negósiu ho Justu labele halo sala iha negósiu, ho di'ak, ita la monu ba sala.
Aliende ne'e, reprezentante Administradór Postu hato'o agradese ba AIFAESA ne'ebé ho nia komitiva prezensa iha Postu Uatukarbau hodi fó informasaun di'ak ba konsumidóres hodi ne'e bele halo negósiu di'ak ba iha Postu Uatukarbau. Iha tempu hanesan lider masimu postu refere sujere ba AIFAESA kontinua halo divulga informasaun hanesan ne'e, to'o ba iha Suku no Aldeia sira.
Oradór ne'ebé halo aprezentasaun iha divulgasaun refere mai husi AIFAESA ne’ebé, aprezenta kona-ba operasionál ba produtu ai-han no la'os ai-han, industrial, no metrolojia. DAJK koalia Kona-ba regras prosesu negósiu, halo sala sei selu koima, parte Seguransa Alimentár koalia kona-ba pratika di'ak Seguransa Ai-han, Jestaun Merkadu Lisensamentu Manejamen no Publisitaria.
Atividade ne’e abertura no ensera husi Autoridade Administrasaun Postu Administrativu Uatukarbau.
Entertantu atividade ne'e rasik hetan partisipa masimu husi negósiante sira.
Mídia - JO
SIP/AIFAESA.
.png){kind=spacer}
No comments:
Post a Comment