Díli, 06/07/2026- Segunda-feira ohin, Inspetóra Jerál AIFAESA Interina DR. Quitéria da Costa SIP.,MAP., hetan entrevista husi Mídia Nasionál Timor Post, kona-ba AIFAESA nia kontrolu ba armajen CLN, entrevista hala'o iha eskritoriu, Matadouro Díli.
Inspetóra Jerál Interina hatan ba Jornalista Timor Post katak Sentru Lojístika Nasionál (CLN) mós hanesan instituisaun públika (I.P.) ida ne'ebé tutela mós iha Ministériu Koordenadór ba Asuntu Ekonómiku (MKAE) nia okos.
AIFAESA tun direita ba armajen CLN, hodi halo monitorizasaun nomós kondisaun fatin no kualidade Fós nian, molok fa'an ba povu sira ho presu ne'ebé ki'ik.
Nune'e AIFAESA, sei kontinua servisu hamutuk no nafatin halo monitorizasaun ba CLN nia armajen, Fós tenki tau ho di'ak tau iha palet nia leten atu nune'e Fós labele hetan estraga. Tanba CLN la hetan lukru hanesan kompañia sira seluk ne'ebé mak fa'an sira nia sasan ba iha Merkadu.
Interina AIFAESA atual Sub Inspetóra haktuir liuhusi monitorizasaun ne'ebé ekipa operasionál halo iha armajen CLN, la identifika produtu sira ne'ebé ho kualidade a'at tanba kada tinan CLN sempre hafoun fali produtu sira iha armajen laran.
Aliende ne'e AIFAESA mós foti produtu husi armajen CLN hodi ba halo teste iha Indonézia, tanba AIFAESA, seidauk iha Laboratóriu. Maibé agora daudauk ne’e AIFAESA, mós iha Edifísiu Laboratóriu Tibar ne'ebé sei iha hela prosesu rehabilitasaun nia laran.
Mídia - Cidalia
SIP/AIFAESA.
.png){kind=spacer}
No comments:
Post a Comment