Díli, 16/07/2026 - Autoridade Inspesaun no Fiskalizasaun ba Atividade Ekonómika Sanitária no Alimentár, Institutu Públiku (AIFAESA, I.P.), hala'o avaliasaun servisu ba trimestre daruak nian, iha Edifísiu AIFAESA, Matadouro - Díli.
Avaliasaun trimestre daruak hanesan prosesu ida atu avalia progresu servisu ne'ebé implementa durante fulan tolu husi fulan Abril to'o Juñu, tinan 2026.
Iha abertura ne’e Inspetóra Jerál AIFAESA Dra. Odete da Silva Viegas Dermatologista, hateten tinan ne'e ita servisu konsege fulan neen ona, nafatin buka hatene ita nia servisu ne'ebé halo ona no ne'ebé maka seidauk. Ita sempre hasoru obstaklus ne'e normal, buka nafatin atu koopera ba malu, ko'alia ba malu, atu nune'e ita ida-idak bele kompleta malu. Dedika ita nia a'an tomak hanesan funsionáriu iha instituisaun ida ne’e, hanesan Timor oan ita buka servisu hamutuk nafatin. Nune'e mós orsamentu jerál Estadu 2027, sirkula sai ona, signigika katak ita atu prepara tan planu ba tinan 2027. Ita ezekuta ona Orsamentu Jerál Estadu tinan 2026, ultra pasa ona 50%.
Aliende ne’e Iha mós aprezentasaun Avaliasaun Q2, husi Departamentu lima hanesan DO, DMP, DAJK, DPORAL, DAF, Gabineti Orgauns, inklui Servisu Deskonsentradu RAEOA.
Okaziaun nemós iha termu entrega Diretóres Sesante husi DO no DAJK ba Diretóres foun.
Atividade refere hetan partisipa masimu husi Funsionáriu AIFAESA tomak, Orgauns, Assessores no pontu fokál MKAE.
Ikus husi avaliasaun ne'e ensera husi pontu fokál MKAE, Abilio Oliveira Sereno. *GXG*
Mídia - Ekipa SIP
SIP/AIFAESA.
.png){kind=spacer}
No comments:
Post a Comment