AIFAESA REALIZA ATIVIDADE DIVULGASAUN INFORMASAUN BA OPERADÓR EKONÓMIKA SIRA IHA MUNISÍPIU COVALIMA

Covalima, 11/06/2026- Kinta-feira semana ne’e, Autoridade Inspesaun no Fiskalizasa ba Atividade Ekonomiku Sanitária no Alimentar (AIFAESA I.P,) ho inisiativa hodi realiza atividade Divulgasaun informasaun ba Operadór Ekonómika sira, ho nia tema “Ba Selebrasaun Tinan 10 Iha Misaun, Husi Asaun ba Impaktu Reál”, ne’ebé hala’o iha Salaun Domin, (Bairo TaliOan) Munisípiu Covalima.

Objetivu husi atividade Divulgasaun Informasaun ne’e hodi Lori negosiante sira atu bele koñese di’ak liu tan Servisu AIFAESA ni’an no kompriende mós kona-ba regras, nomós lei sira ne’ebé mak regula ba atividade negosiu ni’an iha territoriu Timor-Leste.

Breves palavras no abertura, husi reprezentante Prezidente Autoridade Munisipiu Covalima, Sekretariu Assuntu Administrasaun no Finansas, Alberto Moniz de Araújo, “hanesan Autoridade ida senti onradu no orgullu tebes ba AIFAESA I.P, tanba bele realiza ona atividade serimonia bo’ot iha Munisípiu Covalima”.

Iha biban ne'e nspetora Jerál Dra.Odete da Silva Viegas, Dermatologista, hato'o agradese ba partisipante sira hotu tanba bele Partisipa ona iha atividade ne'e.

"AIFAESA I.P, hanesan instituisaun ida ne’ebé hala’o nia kna’ar atu haree servisu liu-liu ba Operadór Ekonómika sira iha Munisípiu Covalima bele sai parseriu oinsa atu bele dezenvolve atividades ekonomika iha ita nia rai"dehan lider masima AIFAESA. 

Okaziaun ne'e Inspetora Jeral sublina, Eventu ne'e hanesan ami utiliza unidade hodi selebra ezisténsia instituisaun AIFAESA I.P, ba dala sanulu (10). 

Iha sesaun dader,  aprezentasaun materia husi koordenadór SERVE I.P Domingos Gravriel Amaral, aprezenta kona-ba prosesu no mekanismu ba lisensamentu atividade ekonomiku, enkuantu aprezentasaun daruak husi Servisu Munisípal Jestaun Merkadu no Turismu, Mariano Lopes kona-ba kompetensia, programa, Sub Programa husi atividade, Parte AIFAESA aprezenta husi Diretór Departamentu Assutu Jurídiku no Kontraordenasaun (DAJK), Anosio de Araújo kona-ba kontrolu atividade ekonómika tenki asegura kualidade ai-han ne’ebé di’ak ba konsumidóres sira iha Munisípiu Covalima. 

Iha Seksaun aprezentasaun (loraik), husi Inspesaun Jerál Traballu (IGT) Gabriel Gusmão kona-ba seguransa, Saúde, Ijiene no Traballu Lei Nú. 11/2023, husi Diretór Seguransa Alimentár Munisipál, Hilario Oliveira Mendonça, kona-ba Kompetensia Servisu Munisipál Seguransa Alimentár, husi Diretór Departamentu Planealentu Operasionál Risku Alimentár no Laboratoriu kona-ba reforma sistema inspesaun AIFAESA hadi'a Efikásia no protesaun Públika.

Atividade ne’e hetan partisipasaun masímu husi Operadór Ekonómika sira kompostu husi Timor-oan no estranjeiru, Autoridade Lokál, Komandante Operasioanál PNTL Munisípiu Covalima, MCI, Alfandega, inklui Funsionariu AIFESA no seluk tan.

Mídia- Dopy

SIP/AIFAESA.