Srilanka, 16/06/2026 - Reprezenta instituisaun AIFAESA I.P., Inspetór Tékniku David Belarmino Soares, partisipa workshop Multi Nasionál ne’ebé organiza husi Organizasaun Mundial Saúde (OMS), liu hosi" SOUTH-EAST ASIA REGIONAL OFFICE (SEARO)" hala'o iha Colombo - Srilanka.
Workshop ne’e entre nasaun oin-oin ba kontekstualizasaun no avansu ba roteiru OMS nian atu hametin forsa traballu Nasionál hodi implementa funsaun saúde públika esensiál sira, inklui preparasaun ba situasaun emerjensia.
Objetivu prinsipál husi atividade ne’e mak atu konsidera, adapta no avansa ho koletivamente ba roteiru OMS, fasilita dezenvolvimentu planu implementasaun espesifiku ba Nasaun ida-idak atu hametin kapasidade saúde públika hosi forsa traballu no fasilita aprendizajen entre Nasaun parseiru sira iha kontestu estabelesimentu komunidade rejionál.
Partisipasaun iha atividade ne’e mai husi nasaun tolu hanesan Thailand, Maldives no Timor-Leste, hamutuk ho nasaun Srilanka inklui doutor senior no peritu sira husi nasaun sira seluk no serimónia ne'e abertura ho lifuan boasvindas husi reprezentante Ministériu Saúdi Srilanka Dr. M.A.S.C. Samarakoon, Embaixadór China iha Maldives, Mr. Zhang Xu no reprezentante OMS-SEARO iha srilanka Dr. Momoe Takeuchi.
Mídia - DB
SIP/AIFAESA.
.png){kind=spacer}
No comments:
Post a Comment