Baucau, 03/06/ 2026 – Autoridade Inspesaun no Fiskalizasaun ba Atividade Ekonómika, Sanitária no Alimentár (AIFAESA, I.P.) hala'o atividade divulgasaun informasaun ho tema “Baucau Kumpre ba Lei, Negósiu Saudável, Negósiu Justu”, iha Postu Administrativu Quelicai, Munisípiu Baucau. Atividade refere hala'o iha loron 02/06/2026.
Atividade ne'e nu'udar serbisu hamutuk ho Ministériu Komérsiu no Indústria (MCI), Seguransa Alimentár, no Jestaun Merkadu.
Diretór Departamentu Asuntu Jurídiku no Kontra-Ordenasaun AIFAESA esplika katak objetivu prinsipál mak atu fahe informasaun kona-ba papél instituisaun nian ba operadór ekonómiku sira. AIFAESA husu ba loja no kios-na'in sira atu kumpri lei no sai responsavel ba kualidade produtu, hodi nune'e bele prevene moras iha komunidade laran no evita mós koima (multa).
Autoridade Postu Administrativu Quelicai hato'o agradesimentu boot ba AIFAESA nia prezensa hodi kontrola ai-han sira, no husu mós atu atividade divulgasaun no inspesaun rutina hanesan ne'e bele to'o iha área suku sira tanba komunidade sei menus informasaun.
Entretantu, atividade ne'e abertura no ensera hosi Autoridade Postu Administrativu Quelicai Villa Antiga nomós partisipa hosi operadór ekonómiku no negosiante sira ne'ebé marka prezensa hatudu ksolok boot no antuziasmu ba informasaun ne'ebé sira simu, hodi rekoñese katak sira presiza duni koñesimentu kona-ba kontrolu kualidade produtu nian.
Mídia - Ekipa Baucau
SIP / AIFAESA.
.png){kind=spacer}
No comments:
Post a Comment