Díli, 18/05/2026 - Segunda-feira semana ne’e, YSEALI PFP liu husi ‘Reciprocal exchange program’ neebe organiza husi YSEALI Fellow Ms Safira Esperanca Da Cruz Carvalho neebe supporta husi U.S. Fellow Ms Ederique Goudia no kolabora ho AIFAESA.IP., hodi realiza workshop kona-ba Aihan Seguru iha Timor-Leste, ne’ebé hetan apoiu fundu husi U.S. Department of State’s Bureau of Educational and Cultural Affairs, American Councils for International Education no U.S. Embassy Timor-Leste.
Workshop ne’e realiza iha Salaun AIFAESA Matadouru.
Objetivu husi workshop ne’e mak atu fahe informasaun ba restaurante na’in sira hodi bele hatene oinsá dezenvolve hahán sira ho saudável.
Nune’e, Inspetora Jeral AIFAESA Dra. Odete da Silva Viegas, Dermatologista iha abertura ne’e rasik, hato’o agradese ba implementadores programa ne’e tanba bele kolabora ho AIFAESA ba realizasaun workshop importante ida ne’e.
Iha workshop ida nee mos hetan partisipaun husi reprezentante U.S Embassy Dili, Ms Cameo Cheung nuudar Deputy Public Affairs Officer no Mr Leopoldo Gusmao nuudar Exchanges and Alumni Coordinator.
Nunee mos husi reprezentante Australia Awards Timor-Leste no mos reprezentante instituisaun governu nian hanesan IQTL.IP no INSPTL.
Enkuantu, oradór ba worskhop ne’e husi Institutu Kualidade Timor-Leste (IQTL) ne’ebé aprezenta kona-ba papél no natureza servisu iha ámbitu fó sertifikasaun/standarizasaun ba produtu sira. Iha fatin hanesan, Asesora Dra. Josefina Clarinha João aprezenta mós kona-ba risku sira kauza husi preparasaun aihan ne’ebé la saudável no rezultadu inspesaun ba restaurante.
Entretantu, partisipante ba workshop ne’e hamutuk na’in (40) kompostu husi na’in ba restaurante, kafetária, aihan dalan ninin no seluk tan. Worskhop ne’e mós partisipa másima husi órgaun AIFAESA.IP, prezidente IQTL inklui ekipa implementador sira ba programa ne’e. *FL*
#YSEALIPFP #statedept #exchangeourworld #timorleste #USembassy #AIFAESA #foodsafety #timorlestefoodsafety #foodbusiness #foodsafetyawareness #foodsafetyeducation
U.S. Embassy - Dili, Timor-Leste
Mídia - Ekipa SIP
SIP/AIFAESA.
.png){kind=spacer}
No comments:
Post a Comment