Díli,12/05/2026 - Tersa Semana ne'e, AIFAESA kontinua hala'o enkontru koordenasaun ho INDMO liu husi Diretóra Ezecutivu, Sra.Isabel Fernandes de Lima, ho ekipa, iha kna'ar Fatin Matadouro.
Enkontru ne'e rasik prezide husi Inspetóra Jerál, Dra.Odete da Silva Viegas, Dermatologista, akompaña husi Fiskál Uniku, Pontu Vokal MCAE, Diretóres Departamentu, Assesores, no Funsionarius.
Atividade ne'e hanesan momentu oportunu ida ba institusaun rua (2), hodi halo koordenasaun no realiza asinatura Kriasaun Nomeasaun Membru ba ekipa Traballu hodi dezenvolve padraun kompeténsia ba Formasaun no Sertifikasaun ba Inspetóres iha AIFAESA.
Iha tempu hanesan, Lider masima AIFAESA, hato'o agradese ba direjenti INDMO, tanba husi inisiu AIFAESA ho INDMO hala'o hela diskusaun ba kapasitasaun rekursu humanu, ohin finalmente hodi halo akordu.
Nune'e, akordu tekniku entre AIFAESA ho INDMO sei diskuti ba modul sira, nune'e bele realiza formasaun ba tekniku AIFAESA espesialidade ba Inspetores no Tékniku Laboratóriu sira.
Entretantu, biban ne'e Diretóra Ezecutivu INDMO subliña asina akordu INDMO ho AIFAESA,Tékniku hahú halo preparasaun di'ak, tanba INDMO mós hakarak kapasitasaun ba rekursu humanu ne'ebe iha, ho kualidade ne'ebe di'ak, nune'e bele dezempeña servisu sira ne'ebe iha, tantu iha nia nasaun no ASEAN ho Rejionál.
Mídia - JcGon
SIP/AIFAESA.
.png){kind=spacer}
No comments:
Post a Comment