AIFAESA KONTINUA HALA'O ENKONTRU KOORDENASAUN HO ANLA

 

Díli, 06/05/2026 - Kuarta semana ne'e, Inspetóra Jerál AIFAESA, Dra.Odete da Silva Viegas, Dermatologista akompaña husi Xefe Gabinete, Diretór DPORAL, Assesóres no Enjeñeiru, realiza enkontru koordenasaun servisu ho Prezidenti Autoridade Nasionál Lisensamentu Ambientál, (ANLA), Ir.Maximiano M.G. de Oliveira, iha edifísiu Matadouro, Díli.

Sorumutu, ne'e hodi halo diskusaun entre AIFAESA ho ANLA  kona-ba fatin atu halo instalasaun makina inserador ne'ebe atu sunu lixu Ospital no mediku, iha edifísiu AIFAESA Tibar, dadaun ne'e iha faze instalasaun laboratóriu Ai-han AIFAESA.

Hafoin diskusaun remata, Inspetóra Jerál AIFAESA, akompaña husi Prezidenti Autoridade Nasionál Lisensamentu Ambientál tun direita ba edifísiu AIFAESA Tibar hodi halo observasaun no indentifikasaun fatin ne'ebe halo instalasaun makina inserador refere, nune'e labele fo prejuízu ba saúde públika 

Mídia - JcGon 

SIP/AIFAESA.