Díli, 07/05/2026 - Inspetora-Jerál AIFAESA I.P., Dra. Odete da Silva Viegas, akompaña hosi Sub-Inspetora DR. Quitéria da Costa, Assesores, Diretores no funsionáriu sira simu vizita importante ida hosi delegasaun Reinu Unidu ne’ebé lidera hosi Diretór Dezenvolvimentu ba Indonézia, Timor-Leste no ASEAN, Sir Peter Rajadiston, hamutuk ho Xefe Dezenvolvimentu ba ASEAN, Mr. Harrison Massey, iha Eskritóriu AIFAESA, Matadouru, Dili.
Objetivu prinsipal vizita ne'e maka hodi diskute implementasaun projetu ne’ebé mak sei hetan apoiu finanseiru husi UK-ASEAN Health Security Partnership (HSP), programa ne'e foka ba kooperasaun iha futuru hodi hametin kapasidade téknika no estabelesimentu Laboratóriu Nasionál Seguransa Ai-han nian iha Timor-Leste.
Iha biban ne’e, Dra. Josefina Clarinha João aprezenta detallu kona-ba implementasaun projetu LabConnect TL, ne’ebé sei foka liu bá troka koñesimentu (peer exchange) hodi hasa’e kualidade laboratóriu ni'an tuir padraun internasionál.
Atividade ne’e termina ho vizita ida ba Futuru Laboratóriu Ai-han lokaliza iha Tibar, vizita ne’e akompaña husi ekipa AIFAESA, enjeñeiru no na’in ba kompañia konstrusaun hodi observa direta konstrusaun laboratóriu refere.
Mídia -Ekipa SIP
SIP/AIFAESA.
.png){kind=spacer}
No comments:
Post a Comment