Ermera, 07/05/2026 - AIFAESA liu husi ekipa integradu ne’ebé kompostu husi Departamentu Operasaun (DO), Departamentu Metrolojia no Padronizasaun (DMP) no Departamentu Operasionál Risku Aihan no Laboratóriu (DPORAL), hasoru malu ka halo koordenasaun ho reprezentante Prezidente Autoridade Munisipiu Ermera atuál nu’udar Sekretáriu Autoridade Administrasaun Finansa Sr. José da C. Gomes iha kna’ar fatin Administrasaun Gleno Munisípiu Ermera, kuarta ne’e.
Koordenasaun ne’e ho objetivu atu hato’o kuñesimentu ba servisu inspesaun no fiskalizasaun iha munisipiu refere. Hafoin hasoru malu ekipa koordena mós ho Komando PNTL hodi apoiu seguransa.
Ekipa integradu ne’e fahe ba grupu (4) hodi halo inspesaun iha Postu sira hanesan, Hatolia A, Hatolia B, Letefoho inklui Atsabe. Nune’e ekipa mós koordena kedas ho autoridade kada postu ne’ebé mensionado.
Mídia - FL
SIP/AIFAESA.
.png){kind=spacer}
No comments:
Post a Comment