Díli, 15/04/2026 - AIFAESA liuhosi reprezentante Departamentu, Orgaun tolu, iha loron ikus nian avaliasaun Q1, aprezenta planu atividade ba trimestre daruak nian. Jeralmente progresu satisfatóriu, ho potensiál atu hetan rezultadu sira ne'ebé di'ak liu iha trimestre tuirmai liu hametin abilidade sira no atensaun boot liu ba detallu sira dezempeñu serbisu nian.
Inspetóra Jerál AIFAESA Dra. Odete da Silva Viegas Dermatologista, hateten avaliasaun to'o ba nia rohan iha loron daruak nian, aprezentadores hato'o ona sira nia perpektiva, planu. Espera katak planu sira ne'ebé hato'o sei realiza iha segundu trimestre nian. Tenki iha responsabilidade ida ba ita nia an rasik, labele ignora saida mak ita hotu-hotu hakarak, tanba eventu hanesan nene'e partisipasaun importante tebes.
Iha okaziaun ne'e hetan aprezentasaun mós hosi Pontu Fokál MKAE Sr. Abilio Oliveira Sereno kona-ba "Prosesu de criação da AIFAESA", nomós Assesóra Dra. Josefina Clarinha João aprezenta " Analize dezempeñu AIFAESA hosi tinan 2024 to'o 2026, " Husi deteksaun ba konformidade sistema ida iha tranzisaun". Hosi aprezentasaun hirak ne'e iha mós diskusaun. Atividade refere hala'o iha edifisiu Sentral AIFAESA. **GXG**
Mídia - Ekipa SIP
SIP/AIFAESA.
.png){kind=spacer}
No comments:
Post a Comment