Díli, 14/04/2026 - AIFAESA hahú husi órgaun to’o funsionáriu sira, realiza atividade avaliasaun servisu trimestre dahuluk nian tinan 2026, iha Matadouru, tersa semana ne’e.
Objetivu husi atividade ne’e mak atu avalia progresu servisu no dezafiu sira ne’ebé kada departamentu enfrenta husi fulan Janeiru to’o Marsu.
Nune’e, departamentu ida-idak hahú husi Departamentu Administrasaun Finansa, Gabinete Fiskal Úniku, Departamentu Operasaun, Departamentu Metrolojia no Padronizasaun, Departamentu Operasional Risku Aihan no Laboratóriu, Gabinete Sub Inspetora Jeral no Gabinete Inspetora Jeral inklui Servisu Destakadu RAEOA ne’ebé halo aprezentasaun ba progresu no dezafiu servisu no halo mós análiza SWOT.
Iha okaziaun ne’e rasik, Inspetora Jeral Dra. Odete da Silva Viegas, Dermatologista., kongratula ba ekipa ne’ebé organiza husi situasaun difisil sai fásil. Inspetora Jeral akresenta dadus progresu sira liu husi rezultadu trimestre dahuluk hanesan, halo inspesaun ba estabelesimentu hamutuk (2767), identifika infrasaun ho total (315) no seluk tan.
Lider másima AIFAESA enkoraja atu ida-idak kumpri ninia dever no tenki sente na’in ba servisu liu-liu responsabilidade no disiplina ba tempu.
Iha avaliasaun loron dahuluk ne mós hetan intervensaun husi Sub Inspetora Jeral DR. Quitéria da Costa, SIP, MPA., no Fiskál Úniku Sr. Salvador da Cruz.
Entretantu, Atividade ne’e realiza durante loron 2, partisipa mós husi Pontu Fokal MCAE Sr. Abilio Oliveira Sereno *FL*
Midia - Ekipa SIP
SIP/AIFAESA.
.png){kind=spacer}
No comments:
Post a Comment