RAEOA, 29/04/2026- Orgauns AIFAESA I.P., kompostu husi Inspetora Jerál Dra. Odete da Silva Viegas, Dermatologista, Sub-Inspetora Jerál DR. Quiteira da Costa, MPA,SIP, Fiskál Úniku, Salvador da Crúz, hamutuk ho Diretora Operasionál, assessór inklui funsionariu AIFAESA balun, partisipa iha enkontru mensal nivel superiores IP no EP ne’ebé tutela iha MCAE. Atividade ba fulan ida ne’e organiza husi Inpesaun Jerál Traballu (IGT), hala’o iha salaun IADE RAEOA.
Objetivu prinsipal husi enkontru ne’e mak atu instituisaun IP no EP sira relata progressu servisu, desafius husi trimestre dahuluk nune’e bele buka solusaun hamutuk. Enkuantu enkontru ne’e ba dahaat nian, ne’ebé prezide husi koordenador Jerál MCAE Sr. Jorge Martins.
Iha enkontru nivel altu ne’e, Inspetora Jerál AIFAESA relata rezultadu nomós pregressu servisu sira, ao mesmo informa mós dezafius sira ne’ebé AIFAESA infrenta inklui planu sira ne’ebé sei implementa iha futuru .
Entretantu, partisipante iha reuniaun importante ne’e, mai husi IADE RAEOA, INSTITUTU BAMBU, SERVE I.P, IQTL I.P, CLN, CNFPE-Tibar, CNFP-Becora INDIMO, Trade Invest, IGT nomos AIFAESA rasik.
Hafoin remata enkontru, AIFAESA ho INDMO asina mós akordu hodi fó kapasitasaun / formasaun ba inspetór tékniku no funsionariu AIFAESA sira liga ho atividade inspesaun no fiskalizasaun iha terenu.
Mídia - Dopy
SIP/AIFAESA.
.png){kind=spacer}
No comments:
Post a Comment