AIFAESA HALA'O ENKONTRU KOORDENASAUN HO MAE

 

Díli, 04/05/2026 - AIFAESA ohin reprezenta husi Inspetora Jeral, Dra.Odete da Silva  Viegas, Dermatologista, akompaña husi Diretora Operasional no Assesores, hala'o Enkontru Koordenasaun  Servisu ho S.E. Ministru Administrasaun Estatal, Tomás do Rosário Cabral, iha Gabinete MAE Colmera Díli.

Iha enkontru, ne'e ho objetivu hodi halo Koordenasaun no koperasaun servisu entre AIFAESA ho MAE.

Okaziaun, ne'e Líder Masima AIFAESA, subliña pontus importante balun sira liga ba servisu AIFAESA ni'an ne'ebe nakait ho MAE hanesan :

  ✅ Serbisu Deskonsentradu ne'ebe AIFAESA sei  implementa iha tempu badak ba Rejiaun sira, hanesan Baucau, Bobonaro no Suai.

✅ AIFAESA hala'o kontrolu ba implementasaun merenda eskolar ba eskola sira iha território 

Nasionál.

✅ Bainhira Seremónia importante balun partisipa husi Alta indentidade sira, presija hola parte mós husi AIFAESA iha Komisaun hodi halo kontrolu masimu ba kualidade ai-han no fatin prepara ai-han (cozinha), antes Seremónia realiza.

✅ Nafatin kordena ho Autoridade Munisípiu sira, iha Diresaun Seguransa Alimentar no Jestaun Merkadu.

Hatan ba ne'e S.E. Ministru Administrasaun Estatal, dehan presija hare di'ak no kordena servisu ne'ebe iha, hodi kria nota entendimento entre AIFAESA ho MAE.

Mídia- JcGon 

SIP/AIFAESA.