Díli, 24/03/2026 - AIFAESA realiza serimónia asina akordu téknika ho Asosiasaun Tane Konsumidór iha Salaun enkontru AIFAESA, tersa semana ne’e.
Akordu ne’e realiza ho objetivu atu haforsa kooperasaun entre AIFAESA ho Tane Konsumidór, hodi promove no proteje direitu konsumidór liu husi inspesaun konjunta ba operadór ekonómiku sira inklui halo divulgasaun ba norma sira ne’ebé vigora iha Timor-Leste.
Iha biban ne’e, Prezidente Asosiasaun Tane Konsumidór Eng. Robin Joy P. Araújo hato’o agradese mai AIFAESA tanba bele selebra ona akordu ne’e signifika Tane agora iha ona nehan atu tata tanba durante ne’e tane hasoru dezafiu barak iha terenu, nune’e liu husi akordu ne’e sai pasu importante hamutuk ho AIFAESA bele servisu di’ak liu tan.
Nune’e mós, Inspetora Jeral AIFAESA Dra. Odete da Silva Viegas, Dermatologista agradese ba parte rua, tantu AIFAESA no Tane. IG hatutan foin primeira vez selebra akordu ne’e iha rai laran, tanba ne’e lideransa másima AIFAESA konsidera akordu ne’e sai forsa ba parte rua no loke tan ona liras, ema haree la’os ona AIFAESA mesak maibé tane nia lalatak iha AIFAESA nia kotuk. Inspetora Jeral mós salienta tan, espera ba oin bele reforsa tan servisu hamutuk iha terenu.
Entretantu, atividade ne’e partisipa husi Fiskál Úniku AIFAESA, Pontu Fokal MCAE, Diretores, Assessores inklui Funsionáriu sira. *FL*
Mídia - Ekipa SIP
SIP/AIFAESA.
.png){kind=spacer}
No comments:
Post a Comment