Díli, , 23/03/2026 – Inspetora Jerál Autoridade Inspesaun no Fiskalizasaun ba Atividade Ekonómika, Sanitária no Alimentár, Institutu Públiku (AIFAESA, I.P.), Dra. Odete da Silva Viegas, Dermatologista hamutuk ho Sub-Inspetóra Jerál DR. Quiteria da Costa. SIP.,MPA., no Fiskál Uniku, Sr. Salvador de Jesus da Cruz, marka prezensa iha serimónia Lansamentu Relatóriu Ekonómiku 2025 no Diálogu entre Governu no Setór Privadu sira, eventu ne’e hala’o iha Centro Convenções Díli (CCD).
Eventu ne’e hetan partisipasaun husi Primeiru-Ministru, Kay Rala Xanana Gusmão, no Vise-Primeiru-Ministru, Ministru Koordenadór ba Asuntu Ekonómiku (MKAE), Dato’ Seri Francisco Kalbuadi Lay, Vise-Primeiru-Ministru II, Ministru Koordenadór ba Asuntu Sosiais (MCAS) Eng. Mariano Assanami Sabino, nomós membru governu sira.
Prezensa lideransa másimu AIFAESA, I.P. nian iha fórum ne’e hatudu kompromisu instituisaun nian hodi fó apoiu ba vizaun Governu nian kona-ba diversifikasaun ekonómia. Nu’udar órgaun ne’ebé fiskaliza atividade ekonómika, AIFAESA iha papél estratéjiku atu asegura katak indústria foun sira, liu-liu Mini-Indústria, bele dezenvolve an tuir padraun kualidade no seguransa ne’ebé fiksa ona.
Iha biban ida ne’e, Lansamentu ba Relatóriu Ekonómiku 2025 hatudu progresu ne’ebé di’ak tebes ho:
➡️ Kreximentu Ekonómia ; 4,4%
➡️ Inflasaun Kontroladu iha ; 1,2%
➡️ Investimentu Privadu ; Sa’e 9,7%
Partisipasaun Inspetóra Jerál AIFAESA nia ekipa iha diálogu nemós sai hanesan oportunidade ida atu rona direita dezafiu sira ne’ebé emprezáriu sira enfrenta, hodi nune’e AIFAESA bele kria ambiente negósiu ida ne’ebé saudável, seguru, no konfiável ba konsumidór no investidór sira.
Eventu ne’e organiza husi Governu liuhusi MKAE, serbisu hamutuk ho Banco Central de Timor-Leste (BCTL) no Câmara do Comércio e Indústria de Timor-Leste (CCI-TL).
Mídia - Arc. & GXG
SIP/AIFAESA.
.png){kind=spacer}
No comments:
Post a Comment