Díli, 19/03/2026- Kinta-feira semana ne’e, Diretór Departamentu Planeamentu Operasional Risku Ai-han no Laboratoriu Sr. Ãngelo Edmundo Belo, hetan entrevista husi Mídia Nasionál Independente, iha kna’ar fatin AIFAESA, Matadouro Díli.
Hatan ba jornalista katak, Autoridade Inspesaun no Fiskalizasaun ba Atividade Ekonómika Sanitária no Alimentár (AIFAESA. IP), hala’o atividade inspesaun regulár hahú fulan Janeiru to’o Fevereiru tinan 2026 inspesiona estabelesimentu hamutuk (1.925). Diretór kontinua subliña dadus servisu AIFAESA iha fulan rua nia laran ekipa halo inspesaun iha Postu Administrativu (4) iha área hanesan Dom-Aleixo, Nain Feto, Vera Cruz no Cristo-Rei, komete infrasaun (268), produtus apreendidus (9.207).
Rohan husi entrevista ne’e, Diretór nafatin hato’o ba negósiante sira fa’an sasan nafatin mantein regras ne’ebé hanesan lisensamentu validu, produtus sira fa’an presiza kontrola no kondisaun ijiene, apela mos ba konsumidorés sira molok sosa produtus ai-han no la'os ai-han iha loja ka merkadu konsumsu haree diak-diak data validade no kondisoens. Enkuantu hetan buat ruma bele hakbesik aan ba Autoridade sira hodi hato’o informasaun, bele mós hakbesik aan ba iha edifisiu AIFAESA hodi informa detallu, atu nune’e ekipa tun direitamente ba terenu.
Mídia - Dopy
SIP/AIFAESA.
.png){kind=spacer}
No comments:
Post a Comment