Díli, 31/03/2026 - AIFAESA liu husi órgaun to’o funsionáriu sira organiza no prepara fatin hodi realiza enkontru mensal ba entidade sira husi Institutu Públiku no Empreza Públika ne’ebé tutela iha Ministru Koordenadór ba Asuntu Ekonómiku (MCAE). Enkontru ne’e hanesan enkontru mensal ba datoluk nian prezide husi Koordenadór Jeral MCAE Sr. Jorge Martins, tersa ne’e iha Sala enkontru AIFAESA, Matadouru.
Objetivu prinsipál husi enkontru ne’e mak atu relata progresu servisu no dezafiu kada instituisaun, nune’e bele buka solusaun hamutuk. Portantu, husi parte AIFAESA nian Inspetora Jeral Dra. Odete da Silva Viegas, Dermatologista, informa progresu servisu AIFAESA nian liga ho inspesaun no fiskalizasaun, koimas ne’ebé rekolla, no laboratóriu daudaun ne’e iha ona faze tenderizasaun husi CNA.
Inspetora mós informa dezafiu lubuk ida liu-liu kombustível ne’ebé oras ne’e sai obstákulu mai AIFAESA hodi halo servisu inspesaun iha terenu.
Entretantu, diskusaun ne’e sai parte imporante tebes ba instituisaun ida-idak atu bele avalia fila fali servisu sira ne’ebé halo tiha ona iha trimestre dahuluk nian.
Partisipa iha reuniaun nível alto ne’e mai husi IGT, CLN, IQTL, CNFP, INDMO, CNFPE, IADE no SERVE.IP. *FL*
Mídia - Ekipa SIP
SIP/AIFAESA.
.png){kind=spacer}
No comments:
Post a Comment