Dili, 05/03/2026 - Ekipa AIFAESA, I.P. kontinua hala'o kontrolu ba ita-nia maluk vendedór sira iha dalan ninin (Street Food), ekipa rejista negosinte ambulante hamutuk 94.
Área sira ne'ebé kobre ona mak Bidau Lecidere, Colmera, Bebora, Vera Cruz, Kampung Alor, Metiaut, Cristo Rei, Becora, Culuhun, Golgota, Delta, Bairopite, Aimutin, Kampung Baru, Raikotu no Bidau Santa Ana Metiaut.
Objetivu prinsipál husi asaun ne’e mak atu fó hanoin no mós fahe brosura informativu ba operadór ekonómiku sira kona-ba importánsia husi regra ijiene nian foka liuliu ba oinsá maneja ai-han ho moos, uza ekipamentu ne’ebé loos, no mós oinsá rai produtu sira hodi la fó fali risku ba saúde públika.
AIFAESA apela ba operadór ekonomiku sira nafatin kumpri regra ijiene, hodi proteje saúde ba ita hotu.
Mídia - Ekipa SIP
SIP/AIFAESA.
.png){kind=spacer}
No comments:
Post a Comment