AIFAESA ENSERA TEMPORÁRIA LOZA “M” TANBA LA IJIENE

 Díli, 11/03/2026 - Ekipa AIFAESA halo enseramentu temporária ba loza Xinéza nian ida ne’ebé lokaliza iha Audian, kuarta óhin.

Enseramentu ne’e halo tanba na’in ba loza komete pontu krítiku sanulu (10) mak hanesan ;

❎ Temperatura konjelador la mantein iha pontu optimal

❎ Laiha rotulajen apropriadu ka armazena iha fatin ne’ebé bele kontamina ho produtu aihan

❎ La uza palet 

❎ Laiha limpeza ba aredores armazen nian

❎ Laiha regra ba jestaun armajenamentu

❎ Produtu naan a’at sei nafatin rai iha konjelador 

❎ Laiha fatin propriu ba reembeladu/foer no la sanitiza

❎ Laiha separasaun ba ekipamentu koa naan/ikan, aifuan no modo tahan sira

❎ Staff la uza luvas bainhira kaer sasan 

❎ Tau hamutuk de’it produtu aihan no la’os aihan.

Aleinde ne’e, identifika mós produtu danifikadu hanesan susuben Anchor, ikan lata no hosen.

Estabelesimentu refere sei taka provizóriu hodi hadia kondisaun tuir rekomendasaun ne’ebé iha hafoin bele loke fali.

Mídia -  FL

SIP/AIFAESA.