Dili, 11/03/2026 – Ekipa AIFAESA ne’ebé lidera hosi Sub Inspetóra Jerál, DR. Quitéria da Costa, SIP, MPA., akompaña hosi Diretór DAJC no tékniku sira, halo destruisaun ba produtu alimentár ne’ebé la kualidade ka estragadu iha eskola haat (4) iha Turiscai, Manufahi.
Eskola sira ne'ebé identifika produtu alimentár estragadu mak hanesan: Escola Central Turiscai, EBF Manumera, EBF 1.2 Caimauc, no Eskola Básica St. Paul Turiscai.
Asaun ne'e foti hafoin simu keixa hosi Autoridade Munisípiu Manufahi kona-ba kualidade hahán ne’ebé kompañia balun fornese ba programa Merenda Eskolár mak estragadu.
Enkuantu atividade refere akompaña mós hosi autoridade lokál, ekipa AIFAESA identifika no destrui kedas produtu sira ne’ebé konsidera "estragadu" no perigozu ba saúde. Produtu estragadu sira ne’ebé destrui mak hanesan:
➡️ Manutolun aat: 893 (butir)
➡️ Fos ho marka Nona Manis (20kg): 13 saku.
➡️ Naan-manu aat: 6 (pcs).
AIFAESA kontinua fó hanoin ba kompañia sira atu fornese hahan ne'ebé saudavel no labele fó risku ba saúde públiku.
Mídia - RL & PG
SIP/AIFAESA.
.png){kind=spacer}
No comments:
Post a Comment