Díli, 21/01/2026 - Sub Inspetóra Jerál AIFAESA DR. Quitéria da Costa SIP.MAP, haktuir iha trimestre dahuluk funsionáriu AIFAESA hotu tun halo inspesaun iha Dili laran. Segundu Supriora ne'e husu ba Operadór Ekonómiku sira, atu labele fa'an sasan estragadu no liu prazu, tanba ida ne'e kontra.
Iha loron daruak ne'e ekipa inspesaun hamutuk ruanulu (20), hanesan Komérsiu, Indústria no Turistíka, konsentra hotu iha Postu Administrativu Cristo Rei husi área Bidau Masau, Bidau Santana, Cristo Rei, Kuluhun, Bekora, Bedois, no Bekusi.
Objetivu hosi inspesaun ne'e, maka atu hasa’e konxiénsia no responsabilidade hosi na'in ba operadór ekonómiku sira, ho supervizaun loja na'in sira disiplina hodi mantein kualidade produtu ai-han no la’ós ai-han, ambiente negósiu ijiene, ordenadu, hodi fó benefisiu ba malu ba sira(vendedór) no kompradór sira.
Iha inspesaun jerál ne’e, ekipa AIFAESA kobre estabelesimentu hamutuk 134, iregularidade 29, no ekipa fó karta konvokatóriu hamutuk 18.
Atividade terenu ne'e partisipa hosi funsionáriu AIFAESA Tékniku, Asistente. No Assesóres, Pontu fokál MKAE, Sub Inspetóra, no Fiskál Uniku, hanesan supervizaun ba atividade refere. Hetan kobertura mós hosi mídia Nasionál sira.
Mídia - GXG & Ekipa SIP
SIP/AIFAESA.
.png){kind=spacer}
No comments:
Post a Comment