Díli, 10/02/2026- Tersa-feira, ekipa integradu AIFAESA I.P, nafatin halo inspesaun no fiskalizasaun reguler ba estabelesimentu sira iha Kapitál Díli, hodi halo kontrolu masima ba produtu ai-han no la’os ai-han ne’ebé mak estabelesimentu sira komersializa.
Iha atividade inspesaun reguler ne’e, ekipa integradu espesiona estabelesimentu hamutuk ualu-nulu resin neen (86) ekipa halo atividade inspesaun foka ba estabelesimentu komersiál hanesan komersiu (70), Indústria (1) no Turistika (15) nomós halo re-inspesaun ba indústria pentolan (1) no reativa restaurante (1). Biban ne’e, inspetór responsável entrega karta konvokatóriu sia (9) ba na’in estabelesimentu hodi marka prezensa iha edifisiu AIFAESA Matadouro Dili, enkuantu estabelesimentu refere nafatin komete infrasaun hamutuk lima (5).
Kompozisaun Brigada fahe ba sanulu resin lima (15), ekipa kobre estabelesimentu iha área pertese hanesan Dom-Aleixo, Tasi Tolu, Surikmas, Bairo Pite, Hudi-Laran, 30 de Agosto Comoro, Kampung Baru, Vera-Cruz, Vila Verde, Sabraka Laran, no seluk tan.
Mídia - Ekipa SIP
SIP/AIFAESA.
.png){kind=spacer}
No comments:
Post a Comment