EKIPA TEKNIKU AIFAESA HALO INSPESAUN NO FISKALIZASAUN IHA SUKU MALELAT, SUB REJIAUN PASABE

RAEOA,03/02/2026, Ekipa tekniku AIFAESA, I.P, halo inspesaun no fiskalizasaun iha Suku Malelat, Sub Rejiaun Pasabe.

Iha asaun inspesaun no fiskalizasaun ne'e, ekipa inspesiona estabelesimentu hanesan Kioske, Loja ai-han no Meubel.

Enkuantu, liu hosi atividade kontrolu ne'e ekipa deteta estabelesimentu ida (1) komete infrasaun hanesan kontinua fa'an tabaku ilisitu no hala'o atividade negosiu la iha lisensa no ekipa foti prosesu Auto Notisia kontra ordenasoens, hodi prosesu tuir Lei ne'ebe vigora, no ekipa tekniku nafatin bolu atensaun ba operadór ekonómiku sira wainhira fa'an produtu ai-han tenki halo kontrola ba data validade no halo negósiu tenki iha lisensamentu ba atividade negósiu ni'an. 

Nune'e, iha biban ne'e ekipa halo mós apreensaun ba produtu ai-han no tabaku Ilisitu sira hosi operadór ekonómiku, no produtu hirak ne'e ekipa lori ba asegura iha edifisiu provizoriu AIFAESA RAEOA, hafoin halo destruisaun.**JcGon**.

Mídia - Ekipa RAEOA

SIP/AIFAESA.