Díli, 05/02/2026 - Merkadu tradisionál hanesan sentru ba atividade ekonómika, fatin ne'ebé interasaun direta entre vendedór no kompradór sira. Ohin Kinta-Feira ne'e ekipa AIFAESA hamutuk 23 brigada ne'e sirkula iha área merkadu laran hosi TB1 to'o TB7, hodi hala'o kontrolu ba negósiante sira iha Merkadu Tradisionál Taibesi, iha Suku Lahane Orientál.
Atividade ne'e Ekipa AIFAESA, foka ba tabaku ilísitu, bebidas alkolikás, haree mós produtu ai-han no la'os ai-han nia data validade.
Asaun prevensaun ne'e ekipa konsege kobre estabelesimentu hamutuk 114, no prende produtu liu prazu no tabaku Ilísitu hanesan ;
➡️ Produtu Alimentar ho Total 405
➡️ Produtu la'os ai-han hamutuk 166
➡️ Tabaku ilísitu hamutuk 597, hosi pakote, masu, lolon, plastiku no kaixa.
Tuir informasaun ekipa rekolla katak bebidas alkolikás (Tua Sabu), ne'ebe komersializa iha merkadu refere, operadór ekonómika sira sosa iha Laklubar, Zumalai, Sanfu, Lakona, Debus, no Beco.
Iha kontrolu ne'e partisipa másimu hosi Sub-Inspetóra Jerál, Fiskál Uniku, Diretóres hosi Departamentu DO, DMP, DPORAL, PNTL, nomós hetan kobertura hosi Mídia Nasionál sira.**GXG**
Mídia - Ekipa SIP
SIP/AIFAESA.
.png){kind=spacer}
No comments:
Post a Comment