Díli, 30/01/2026 – Sexta-feira ohin, Asistente Tékniku AIFAESA I.P. tuir formasaun kona-ba hala’o servisu inspesaun integradu operasionál iha terenu, hafoin simu abertura husi Sub-Inspetora Jerál, DR. Quiteria da Costa, SIP. MPA, iha salaun AIFAESA I.P. Matadouro, Díli.
Objetivu husi formasaun ne’e hodi loke hanoin no koñesimentu kle’an ba asistente tékniku sira liga kona-ba servisu inspesaun bainhira hala’o iha terenu tuir kompeténsia ne’ebé AIFAESA iha.
Biban ne’e, hetan aprezentasaun kompeténsia husi Diretora Departamentu Operasaun, Sra. Claudinha Soares Pinto, kona-ba prosedimentu inspesaun no fiskalizasaun hodi asegura kontrolu kualidade ai-han no la’ós ai-han. Enkuantu aprezentasaun husi Diretór Departamentu Metrolojia no Padronizasaun, Sr. João Cançio Franco Morato, kona-ba planu atividade inspesaun integradu nune'e mós medida kilograma kualidade ba produtu refere. Nune'e iha Aprezentasaun ikus husi Diretór Departamentu Planeamentu Operasionál Risku Ai-han no Laboratóriu, Sr. Angelo Edmundo Belo, kona-ba papél importante AIFAESA nian no enkuadramentu legál hanesan estabelese husi Dekretu-Lei Nu. 26/2016, ne'ebé altera ho Dekretu-Lei Nu. 29/2024.
Rohan husi atividade formasaun ne’e, hetan partisipasaun másima iha diskusaun husu no hatan husi funsionáriu AIFAESA I.P.
Mídia - Dopy & Jo
SIP/AIFAESA.
.png){kind=spacer}
No comments:
Post a Comment