Dili, 19/01/2026 - AIFAESA.IP., reprezenta husi Xefe Gabinete Inspetora Jeral Sr. Armindo Gonçalves, Assessora téknika Dra. Josefina C. João hamutuk ho tékniku sira husi gabinete no departamentu, partisipa iha worskhop kona-ba Komérsiu no Investimentu Internasionál ligadu ho pós adezaun Timor-Leste ba ASEAN. Worskhop ne’e realiza iha Otél Palm Spring, Fatuhada, segunda óhin.
Objetivu prinsipál husi workshop ne’e, atu aumenta tan partisipante sira nia kumpriensaun no kapasidade implementasaun ba iha komérsiu internasional ASEAN no enkuadramentu investimentu ne’ebé iha liña ho vizaun ASEAN 2045, no planu estratejia AEC 2026-2030 ne’ebe foka liu ba implementasaun efetivu husi key ASEAN Agreements, inklui ATISA, ACIA, ATIGA, espesialmente Nonconforming Measures, nune’e suporta Timor-Leste nia partisipasaun ativu iha ASEAN Economic Integration, inklui área emerjénsia sira hanesan ekonomia dijitál.
Enkuantu, aprezentadór ba atividade workshop ne’e husi Prof. Dr. Sufian Jusoh nu’udar vise-chanceler husi Universidade Kebangsaan Malaysia (UKM) ne’ebé ko’alia kona-ba “ASEAN 2045 and the Regional Geo-Economic Challenges”. Iha biban ne’e Dr. Muhammad Faliq Razak hanesan peskizadór iha Universidade Nasional Malaysia aprezenta mós kona-ba “ASEAN Economic Community Strategic Plan 2026-2030”.
Entretantu, atividade refere hetan apoiu husi governu Japaun liu husi JICA no partisipa husi ambassador Malaysia, Trade-Invest, no diretora jeral asuntu ASEAN. Atividade ne’e sei kontinua to’o loron 22/01/2026, no sei kompleta ho sertifikadu ba partisipante sira hotu husi entidades relevantes.
Mídia - FL
SIP/AIFAESA.
.png){kind=spacer}
No comments:
Post a Comment